لاہور ( این این آئی) پاکستان مسلم لیگ (ن) کی مرکزی رہنما مریم نواز نے کہا ہے کہ ناساز طبیعت کے باعث نوازشریف آج بروز جمعرات جیل میں کسی سے ملاقات نہیں کرسکیں گے۔سماجی رابطے کی ویب سائٹ ٹوئٹر پر جاری اپنے پیغام میں سابق وزیراعظم کی صاحبزادی مریم نواز نے کہا کہ اللہ نوازشریف
کو صحت و تندرستی کے ساتھ لمبی عمرعطافرمائے۔پاکستان اور ہم سب کو نوازشریف کی ضرورت ہے۔انہوں نے کہا کہ مسلسل حمایت کے لئے آپ سب کا شکریہ۔واضح رہے کہ کوٹ لکھپت جیل میں سزا کاٹنے والے سابق وزیر اعظم و پاکستان مسلم لیگ (ن ) کے قائد سے ملاقات کے لئے جمعرات کا دن مقرر ہے ۔
