اسلام آباد (سی پی پی )پاکستان پیپلز پارٹی (پی پی پی) کے سینئر رہنماقمر زمان کائرہ نے کہا ہے کہ پیپلز پارٹی کے 200 سے زائد جیالے گرفتار کئے گئے ہیں جبکہ پرامن احتجاج کیلئے آنے والے 50 جیالے لاپتہ ہیں۔نجی ٹی وی کے مطابق قمر زمان کائرہ نے کہا ہے کہ نیب ہیڈ کوارٹرز کے باہر پیپلز پارٹی کے کارکنوں پر پولیس کے لاٹھی چارج کے بعد سے اب تک 200 سے زائد جیالے گرفتار کئے جا چکے ہیں جبکہ پرامن

احتجاج کیلئے آنے والے 50جیالے بھی لاپتہ ہیں۔ انہوں نے کہا کہ لاٹھی چارج سے ہمیں روکا نہیں جا سکتا ، انتظامیہ گرفتار جیالوں کو فوری رہا کرے۔واضح رہے کہ سابق صدر آصف علی زرداری اور پیپلز پارٹی کے چیئرمین بلاول بھٹو زرداری نیب کے دفتر میں پیش ہوئے ہیں۔ دونوں کی پیشی کے موقع پر پیپلز پارٹی کے کارکنوں نے نیب ہیڈ کوارٹرز کے سامنے جمع ہونا شروع کر دیا اور عمارت کے گیٹ کے سامنے کھڑے ہو گئے۔