اسلام آباد (این این آئی) الیکشن کمیشن نے وفاقی وزیر مذہبی امور نور الحق قادری کے خلاف کیس میں درخواست گزار کی عدم پیشی کے باعث کیس خارج کر دیا ۔وفاقی وزیر مذہبی امور نور الحق قادری کے خلاف حضرت حسین کی درخواست پر سماعت چیف الیکشن کمشنر سردار محمد رضا کی سربراہی میں تین رکنی کمیشن نے کی ۔نور الحق قادری کے وکیل قاضی جواد حسین الیکشن کمیشن کے سامنے پیش ہوئے تاہم درخواست گزار کے وکیل الیکشن کمیشن میں پیش نہیں ہوئے۔ وکیل نور الحق قادری نے کہاکہ
وفاقی وزیر مذہبی امور کی 1992 میں ایک فیکٹری تھی جو بعد میں فروخت کر دی گئی۔وکیل نور الحق قادری نے کہاکہ 2018 میں ٹریبونل نے وفاقی وزیر مذہبی امور کے خلاف نادہندہ ہونے کا کیس خارج کر دیا تھا۔ چیف الیکشن کمشنر نے ریمارکس دیئے کہ آپ یہی جواب الیکشن کمیشن میں جمع کرا دیں۔الیکشن کمیشن نے درخواست گزار کی عدم پیشی کے باعث کیس خارج کر دیا۔ یاد رہے کہ وفاقی وزیر مذہبی امور نور الحق قادری این اے 43 ضلع خیبر سے منتخب رکن قومی اسمبلی ہیں۔
