اسلام آباد،راولپنڈی(آن لائن)وفاقی وزیر اطلاعات ونشریات فواد چودھری نے کہا ہے کہ کرپشن اولمپکس کی دوسری قسط 11بجے شروع ہوگی۔ وفاقی وزیر اطلاعات و نشریات نے سابق صدر آصف زرداری اور چیئرمین پی پی بلاول بھٹو زرداری کی نیب میں پیشی کے موقع پر سماجی رابطے کی ویب سائٹ ٹوئٹر پر اپنے ٹوئٹ میں کہا ہے کہ کرپشن اولمپکس کی دوسری قسط 11بجے شروع ہوگی۔پوری پارٹی 5 تانگوں پراستقبال کیلئے آئے گی۔
انہوں نے کہا کہ چوری،سینہ زوری واضح کرنی ہوتونواز،زرداری کارویہ دیکھ لیں۔دریں اثنا پاکستان پیپلزپارٹی کے چیئرمین بلاول بھٹو زرداری نے قومی احتساب بیورو (نیب )راولپنڈی کے سامنے پیش ہونے سے قبل حبیب جالب کے اشعار ذاتی اکاونٹ سے شیئر کیے ۔میں بھی خائف نہیں تختہِ دار سے،میں بھی منصور ہوں کہہ دو اغیار سے۔کیوں ڈراتے ہو زنداں کی دیوار سے۔ظلم کی بات کو جہل کی رات کومیں نہیں مانتا میں نہیں جانتا۔
