اسلام آباد ( آن لائن ) شریف خاندان کی ملکیت میں چلنے والے اتفاق ہسپتال لاہور کے نام پر کروڑوں روپے ٹیکس چوری کا انکشاف ہوا ہے۔ ایف بی آر حکام نے کروڑوں روپے کی ٹیکس چوری کی اعلیٰ پیمانے پر تحقیقات شروع کردی ہیں۔ اتفاق ہسپتال لاہور سلطان فاؤنڈیشن ملتان کی انتظامیہ بھی کروڑوں روپے کی ٹیکس چوری میں ملوث قرار دیئے جارہے ہیں دونوں خیراتی اداروں نے ٹیکس چوری کے لئے اصل معلومات ٹیکس حکام سے چھپانے میں مصروف عمل ہیں۔ تفصیلات کے مطابق اتفاق

ہسپتال ٹرسٹ لاہور جس کا این ٹی این نمبر 0786795 ہے نے 2015 ء میں اپنے اثاثوں کی ملکیت 83 کروڑ 35 لاکھ 80 ہزار روپے تھی۔ یہ معلومات ہسپتلا انتظامیہ کی اپنے ریکارڈ مین سامنے آئی ہے ۔ قانون کے مطابق ایسے خیراتی ادارے جو ٹیکس چھوٹ کی سہولت رکھتے ہیں کی انتظامیہ کو اپنے اخراجات کے بعد جو فنڈز بچ جائیں وہ حکومت کے سرمایہ کاری سکیموں میں خرچ کرنا قانون کے مطابق ضروری ہیں جبکہ آمدن کی 23 فیصد سے زائد آمدن کو گورنمنٹ سیکیورٹی ‘ نیشنل سیونگ سکیم اور میوچل فنڈز میں سرمایہ کاری کرنا ہوگی تاکہ ٹیکس چھوٹ کی سہولت کا فائدہ عوام اور حکومت کو بھی حاصل ہو۔ ریکارڈ میں یہ بات بھی سامنے آئی ہے کہ سلطان فاؤنڈیشن ملتان کی آمدن 2014 ء میں 1 ارب 9 کروڑ سے زائد ھی جبکہ 2003 ء میں فاؤنڈیشن کے پاس صرف 83 لاکھ روپے آمدن ظاہر کی گئی تھی۔ ایف بی آر حکام نے نام ظاہر نہ کرنے پر بتایا گیا ہے کہ آمدن کے بارے میں غلط معلومات دینے اور ٹیکس چوری میں ملوث ہونے پر سلطان فاؤنڈیشن اور اتفاق ہسپتال لاہور کی بطور ٹرسٹ (خیراتی ادارہ) کی رجسٹریشن منسوخ کی جاےء اور 36 کروڑ روپے کی ٹیکس چوری فوری ریکوری کی جائے جبکہ ٹیکس معلومات چھپانے پر اداروں کی انتظامیہ پر بھاری جرمانے بھی عائد کئے جائیں۔ ایف بی آر حکام نے کہا ہے کہ اتفاق ہسپتال لاہورکی بطور خیراتی ادارہ رجسٹریشن منسوخی کا عمل جاری ہے اور 41 ملین سے زائد کی ٹیکس چوری کی ریکوری بارے اقدامات زیر عمل ہیں اور بہت جلد انتظامیہ کے خلاف تادیبی کارروائی عمل میں لائی جائے گی۔ اتفاق ہسپتال لاہورکی انتظامیہ شریف خاندان ہے جو یہ ہسپتال خیراتی بنیادوں پر چلا رہے ہیں لیکن ہسپتال جانے والے مریصوں نے شکایت درج کرائی ہے کہ ہسپتال میں شہر کا مہنگا ترین علاج کیا جاتا ہے اور مریضوں کے لواحقین کو لوٹا جارہا ہے۔