نارنگ منڈی( آن لائن ) نارنگ منڈی کے سرحدی علاقہ پسیانوالہ میں دریائے راوی کی تندوتیزلہروں نے تباہی مچادی راوی کاکٹاؤ آبادیوں کوبھی چھونے لگاعلاقہ بھرمیں تشویش کی لہردوڑگئی سینکڑوں ایکڑ زرخیزترین زرعی رقبہ خوفناک زمینی کٹاؤکے باعث تیزی سے راوی کی نذرہونے پر کسانوں کاشتکاروں اور زمینداروں کا
دریا کنارے زبردست احتجاج متاثرین چوہدری قربان علی نمبردار امانت علی امجدعلی، محرم، سرفراز،شفقت اورارشدنے روتے ہوئے وزیراعلی پنجاب سیکرٹری انہاراورڈی سی شیخوپورہ سے ہنگامی بنیادوں پر کٹاؤکوروکنے کیلئے مضبوط بند (پشتے)بنانے کامطالبہ کیاہے متاثرین نے بتایاکہ نارنگ منڈی کے علاقہ جاجوگل کے قریب پنجاب کی بڑی نہرمرالہ راوی لنک کا 22ہزارکیوسک پانی راوی میں ڈال دیاجاتاہے جوخوفناک زمینی کٹاؤکررہاہے جس سے روزانہ حدنگاہ تک کروڑوں روپے کازرعی رقبہ ملیامیٹ ہورہاہے اورایک سو سے زائد خاندانوں جن کاواحدزریعہ معاش صرف کھیتی باڑی ہے شدیدمتاثرہورہے ہیں ان کی نیندیں اڑگئی ہیں اوراپنی زمینوں کو راوی میں گرتادیکھ کر دریاکنارے آنسو بہاتے نظرآتے ہیں راوی ایک خوفناک اژدھاکی شکل میں سونااگلتی پنجا ب کی بہترین اراضی کو تیزی سے نگل رہی ہے جس کے باعث غریب کسان اپنی زمینوں کواونے پونے داموں فروخت کرکے نکل مکانی پرمجبورہوچکے ہیں انہوں نے کہاکہ راوی کے خوفناک کٹاؤ کوہنگامی بنیادوں پرنہ روکاگیاتودفاعی نقطہ نظرسے بنائی گئی بی آربی نہربھی کٹاؤکی نظرمیںآجائے گی یہ سینکڑوں غریب کسانوں کامعاشی قتل ہوگا اورپوراعلاقہ اناج سے بھی محروم ہوجائے گا۔
