اسلام آباد (آن لائن)سپریم کورٹ ،آڈیٹر جنرل آف پاکستان سمیت وفاقی ،صوبائی اور آزاد کشمیر کے اعلی سرکاری ادارے واپڈا کے 42 ارب روپے کے نادہندہ نکلے ،وفاقی وزارت توانائی نے نوٹس لیتے ہوئے متعلقہ اداروں سے ریکوری کی ہدایات جاری کر دیں

حاصل دستاویزات کے مطابق وزارت توانائی نے تمام ڈیسکوز کے سی۔ای۔ اوز کو متعلقہ حکومتوں سے ریکوئری کے لیے ہدایات جاری کر دی ہیں۔ دستاویزات کے مطابق وفاقی حکومت 11ارب روپے، آزاد کشمیر حکومت 114 ارب روپے جبکہ پنجاب 6 ارب 47کروڈ روپے ، سندھ 8 ارب 14کروڈ ، کے پی کے ایک ارب 98 کروڈ جبکہ بلوچستان 14 ارب سے زائد کا مقروض ہے مجموعی طور پر وفاق ، آزاد کشمیر و دیگر صوبائی حکومتیں 42 ارب روپے واپڈا کی نادہندہ ہیں دستاویزات کے مطابق وزارت توانائی نے تمام ڈسکوز کے سی ای اوز کوہدایت کی ہے کہ موجودہ سال کے دوران نادہندگان سے ریکوئری کی جائے اس سلسلے میں وفاق نے آزاد کشمیر ھکومت کو خط لکھ دیا ہے اور اس حوالے سے وزارت توانائی اور آزاد حکومت کی بات جیت چل رہی ہے۔ اسی طرح پنجاب ہاوس ، پنجاب اسمبلی ،پنجاب ہائیکورٹ ،پنجاب سروسیز ٹربیونل ،محکمہ خزانہ پنجاب،پنجاب ہائی وے،سمیت 1204 ادارے واپڈاکے مقروض ہیں اس طر وفاق کے 353 ادارے واپڈا کے نادہندہ ہیں جن میں آدیٹر جنرل آف پاکستان ،وزیر اعظم و صدر ہاوسیز ،سپریم کورٹ آف پاکستان اور قانون نافذ کرنے والے مقتدر حلقے بھی واپڈا کے مقروض ہیں اسی طرح بلوچستان حکومت کے 90 سرکاری محکمے واپڈا کے نادہند ہ ہیں مزید براں خیبر پختونخوا کے 904 ادارے واپڈا کے نادہندہ ہیں۔