لاہور (این این آئی)نیشنل ایکشن پلان کے تحت تحویل میں لئے گئے کالعدم جماعتوں کے مزید11اداروں میں حکومتی منیجرز تعینات کر دئیے گئے،کالعدم جماعتہ الدعوۃ اور کالعدم فلاح انسانیت فاؤنڈیشن کی جائیدادوں کیلئے ڈپٹی کمشنر زاور اسسٹنٹ کمشنر ز فوکل پرسن ہونگے جبکہ دونوں اداروں کے مالی اخراجات کا ریکارڈ مرتب کرنے کے لئے ایڈ منسٹریٹرز بھی تعینات کر دئیے گئے ۔

بتایا گیا ہے کہ ڈپٹی کمشنر لاہور نے حکومتی منیجرز تعینات کر کے نوٹیفکیشن جاری کر دیا ہے جس کے مطابق مدرسہ مہد القرآن لاہور میں منیجر اوقاف محمد اشتیاق ،مرکز خالد بن ولید گرین ٹاؤن، مدرسہ البدر مانوالہ کا انتظام منیجر اوقاف محمد شعیب، مسجد ومدرسہ محمدی گلبہار کالونی اورمدرسہ الہادی نیو ائیر پورٹ منیجر اوقاف رانا احسان کو ذمہ داریاں تفویض کی گئی ہیں ۔ مزید بتایا گیا ہے کہ پنجاب حکومت نے کالعدم جماعتہ الدعوۃ اور کالعدم فلاح انسانیت فاؤنڈیشن کے لاہور اور شیخوپورہ میں واقع تمام اداروں کا انتظامی کنٹرول سنبھال لیا ہے ۔دونوں کی جائیدادوں اور عمارتوں کے لئے ڈپٹی کمشنر زاور اسسٹنٹ کمشنر زفوکل پرسن ہوں گے ۔ دونوں کالعدم تنظیموں کے اداروں پر مختلف افسران کو بطور ایڈ منسٹریٹر ز بھی تعینات کر دیا گیا جواداروں کے مالی اخراجات کا ریکارڈ مرتب کریں گے جبکہ متعلقہ تحصیلوں کے اسسٹنٹ کمشنرز کو بطو رچیف ایڈمنسٹریٹر اضافی ذمہ داریاں سونپی گئی ہیں۔ فوکل پرسنز اور ایڈ منسٹریٹرز کی تعیناتی کا مراسلہ بھی جاری کر دیا گیا ۔ تمام متعلقہ افسران کو اداروں سے متعلق مکمل تفصیلات اکٹھی کرنے کی ہدایات بھی جاری کی گئی ہیں۔ نیشنل ایکشن پلان کے تحت تحویل میں لئے گئے کالعدم جماعتوں کے مزید11اداروں میں حکومتی منیجرز تعینات کر دئیے گئے،کالعدم جماعتہ الدعوۃ اور کالعدم فلاح انسانیت فاؤنڈیشن کی جائیدادوں کیلئے ڈپٹی کمشنر زاور اسسٹنٹ کمشنر ز فوکل پرسن ہونگے