اسلام آباد ( این این آئی ) حکومت نے بجلی چوری کے سدباب کے لیے ٹیکنالوجی کے استعمال کا فیصلہ کر لیا، صارفین کو ناصرف پوری بجلی ملے گی بلکہ بجلی کے مختلف پیکجز ایزی لوڈ کی صورت میں بھی حاصل کر سکیں گے۔نجی ٹی وی کے مطابق بجلی چوری کے سدباب کیلئے جدید ترین سمارٹ میٹرنگ ٹیکنالوجی الیکڑوکیور متعارف کرانے کی تیاریاں شروع کر دی گئی ہیں ۔الیکڑوکیور ٹیکنالوجی کے استعمال سے میٹر لگانے کا جھنجھٹ بھی ختم ہو جائے گا اور یہ سارا نظام موبائل فون ٹیکنالوجی کی طرز پر کام کرے گا جس کے تحت صارفین کارڈ لوڈ کر کے بجلی حاصل کریں گے۔
اگر کوئی شخص کنڈا ڈالنے کی کوشش کرے گا تو کمپیوٹرائزاڈ نظام کے تحت فوری الرٹ متعلقہ کمپنی کو موصول ہو جائے گا۔الیکڑوکیورڈیوائسز سرور سے منسلک ہونے کی بدولت وولٹیج پوری ملیں گے اور صارفین بجلی سے متعلق تمام ڈیٹا اپنے موبائل فون پر حاصل کر سکیں گے۔ توانائی ماہرین نے بھی بجلی چوری کی روک تھام کے لیے جدید ٹیکنالوجی کے استعمال کی حمایت کر دی ہے۔پیسکو نے الیکٹروکیور ٹیکنالوجی کا استعمال آزمائشی بنیادوں پر شروع کر دیا ہے۔ نتائج مکمل تسلی بخش ہونے کی صورت میں اسے عام صارفین کے لیے لانچ کر دیا جائے گا۔
