اسلام آباد(آن لائن)پاکستان پیپلز پارٹی کے رہنما سعید غنی نے کہا ہے کہ کٹھ پتلی وزیراعظم نے صرف قرض لینے کی بجائے خودکشی کرنے کی بھڑک ماری تھی۔ اللہ تعالیٰ فرماتے ہیں کہ مومنوں جو وعدہ کرو وہ پورا کرو شاید عمران خان خودکشی کا وعدہ پورا کرنے کے لئے نیا کنٹینر بنوا رہے ہیں۔ سعید غنی نے طنزیہ انداز میں کہا کہ پی ٹی آئی وزراء4 ایسا تاثر دے رہے ہیں جیسے عمران خان تو قرض لینے سے انکار کر رہے ہیں مگرآئی ایم ایف والے انہیں قرض دینے کے لئے منتیں کر رہے ہیں۔ سعید غنی نے کہا
کہ پی ٹی آئی والوں نے ابھی تک یہ بات کیوں نہیں کی کہ مراد سعید کو 200 ارب ڈالر لے کر آرہا تھا مگر راستے میں اپوزیشن والوں نے انہیں لوٹ لیا۔ سعید غنی نے کہا کہ ڈرامہ بازی اور بھڑک مارنا بہت آسان ہے۔ کام کرنا بہت مشکل ہے۔ قوم اس بات کی منتظر ہے کہ کٹھ پتلی وزیراعظم قرض تو لے چکے اب خودکشی کا وعدہ کب پورا کرتے ہیں۔