لاہور ( این این آئی)تحریک انصاف نے اراکین اسمبلی کی تنخواہوں میں اضافے کیلئے پنجاب اسمبلی میں پرائیویٹ بل جمع کرا دیا۔ پرائیویٹ بل تحریک انصاف کے رکن پنجاب اسمبلی غضنفر عباس چھینہ کی جانب سے جمع کرایا گیا جس میں بنیادی تنخواہوں سمیت 6 مراعات میں اضافے کیلئے ترامیم تجویز کی گئی ہیں۔

بل میں بلوچستان اسمبلی کے ارکان کے برابر تنخواہیں اور مراعات لانے کی ترامیم پیش کی گئی ہیں۔غضنفر عباس چھینہ نے اراکین کی بنیادی تنخواہ 18ہزار سے بڑھا کر 3لاکھ روپے ماہانہ اور ڈیلی الاؤنس ایک ہزار سے بڑھا کر 4ہزار روپے کرنے کی تجویز دی ہے۔پرائیویٹ بل میں کنوینس الاؤنس 600روپے سے بڑھا کر 3000روپے اور ایڈیشنل ٹریولنگ الاؤنس ایک لاکھ 20ہزار سالانہ سے بڑھا کر 5لاکھ روپے سالانہ کرنے کی تجویز کی گئی ہے۔بل میں ہاؤس رینٹ 29ہزار ماہانہ سے بڑھا کر 50ہزار روپے، یوٹیلیٹی الاؤئنس 6ہزار سے بڑھا کر 20ہزار روپے اور تواضع الاؤنس 10ہزار سے بڑھا کر 50ہزار روپے کرنے کا کہا گیا ہے۔ پرائیویٹ بل میں قائمہ کمیٹی کے چیئرمین کیلئے ماہانہ پیٹرول الاؤنس 30ہزار روپے اور گاڑی کی مرمت کا الاؤنس 12ہزار روپے ماہانہ تجویز کیا گیا ہے۔ اس کے علاوہ پی ٹی آئی رکن نے گاڑی کی مرمت اور پیٹرول کی ذمہ داری مکمل طور پر چیئرمین قائمہ کمیٹی کو دینے کی تجویز پیش کی ہے۔ تحریک انصاف نے اراکین اسمبلی کی تنخواہوں میں اضافے کیلئے پنجاب اسمبلی میں پرائیویٹ بل جمع کرا دیا۔ پرائیویٹ بل تحریک انصاف کے رکن پنجاب اسمبلی غضنفر عباس چھینہ کی جانب سے جمع کرایا گیا جس میں بنیادی تنخواہوں سمیت 6 مراعات میں اضافے کیلئے ترامیم تجویز کی گئی ہیں۔بل میں بلوچستان اسمبلی کے ارکان کے برابر تنخواہیں اور مراعات لانے کی ترامیم پیش کی گئی ہیں۔