کراچی (این این آئی)کراچی سے کوئٹہ سفر کرنے والے افراد کیلئے جدید سہولیات اور آرام دہ سفر کیلئے ‘سلیپنگ بس متعارف کرادی گئی ہے جس میں مسافروں کے سفر کا خاص خیال رکھتے ہوئے انہیں جدید سہولیات فراہم کی گئی ہیں۔ رپورٹ کے مطابق کراچی کے علاقے صدر سے سہولیات سے بھرپور سلیپنگ بس کوئٹہ کیلئے ہر دو روز بعد روانہ ہوگی جس میں مسافرں کو کھانے، پینے اور سونے کی کوئی پریشانی نہیں ہوگی۔مسافر اپنی نشست پر پاؤں پھیلا کر

سو سکیں گے اور اپنے سامنے لگی ایل ای ڈی پر پسند کی فلمیں بھی دیکھ سکیں گے۔ بس کا کرایہ 3 ہزار روپے رکھا گیا ہے جس میں مسافروں کو مفت کھانا اور مشروبات بھی فراہم کیے جائیں گے۔ ملکی سطح پر معیاری بس سروس متعارف کرانے والے کریم داد نے بس سروس کا سلوگن (سلیپ ویل لِو ویل) رکھا ہے یعنی اب کراچی سے کوئٹہ کا تقریباً 10 گھنٹے کا سفر نہ صرف 7 گھنٹوں میں طے ہوگا بلکہ مسافر سوتے ہوئے سفر کرسکیں گے۔