اسلام آباد(این این آئی)جسٹس آصف سعید کھوسہ نے پاکستان کے 26ویں چیف جسٹس کے طور پر حلف اٹھالیا۔ جمعہ کوپاکستان کے 26ویں چیف جسٹس کی حلف برداری کی تقریب ایوان صدر میں ہوئی جہاں صدر مملکت ڈاکٹر عارف علوی نے جسٹس آصف کھوسہ سے چیف جسٹس کے عہدے کا حلف لیا۔تقریب میں وزیر اعظم پاکستان عمران خان، چاروں صوبوں کے وزرائے اعلیٰ، گورنرز، آرمی چیف جنرل قمر جاوید باوجوہ، نیوی و فضائیہ کے سربراہان، وفاقی وزراء، مشیروں اور اہم عہدوں

پر تعینات دیگر شخصیات نے شرکت کی۔واضح رہے کہ ۔چیف جسٹس  11 ماہ کے لیے اس عہدے پر فائز ہوئے ہیں اور اسی سال دسمبر میں ریٹائر ہو جائیں گے۔چیف جسٹس آصف سعید کھوسہ نے گزشتہ روز عدالتی اصلاحات اور زیر التواء مقدمات نمٹانے کے عزم اور چارٹر آف گورننس بنانے کی خواہش کا اظہار کیا ۔انہوں نے کہا تھا کہ اس میں صدر مملکت، عدالت، انتظامیہ اور پارلیمنٹ کے سربراہان اور فوج شامل ہو تاکہ کوئی ادارہ کسی دوسرے ادارے کی حدود میں مداخلت نہ کرے۔

موضوعات:چیف جسٹس آف پاکستان