کراچی(این این آئی)پاکستان پیپلزپارٹی کی اعلی قیادت کا اجلاس آج(جمعہ)بلاول ہاؤس میں ہوگا،اجلاس میں سینیٹ میں متوقع تبدیلی اور نئی سیاسی صورتحال پر غور ہوگا۔پارٹی ذرائع کے مطابق اجلاس میں جے آئی ٹی مقدمات سے متعلق تبادلہ خیال کیا جائے گا۔اجلاس میں پیپلزپارٹی کی سینئر قیادت کو مدعو کیا گیاہے، بلاول بھٹوزرداری اورآصف زرداری اجلاس کی صدارت کریں گے۔ذرائع کے مطابق اجلاس میں فریال تالپور،
وزیر اعلی سندھ بھی شریک ہوں گے، چاروں صوبوں کی سینئر قیادت، اہم رہنماؤں کو بھی آنے کی ہدایت کی گئی ہے۔ذرائع نے بتایاکہ سیاست کے نام پرہونے والے انتقام کی مذمت کی جائے گی، آصف زرداری اور بلاول بھٹو کی قیادت پرایک بارپھر اعتماد کا اظہارکیا جائے گا،توقع کی جارہی ہے کہ اجلاس میں بڑے اوراہم فیصلے کیے جائیں گے، ملک میں آنے والی تبدیلیوں، اپوزیشن کے اتحادسے متعلق اہم فیصلے ہوں گے.
