لاہور( نیوزڈیسک ) سابق وزیراعلیٰ پنجاب کی بہو اور سلیمان شہباز کی اہلیہ زینب سلیمان بھی سیاست میں دلچسپی لینے لگیں، زینب سلیمان نے تین حکومتی وزرا ء کی سیاسی بصیرت (قابلیت )پر سوال اٹھادئیے۔سماجی رابطے کی ویب سائٹ ٹوئٹر پر سلیمان شہباز کی اہلیہ نے سوال اٹھایا کہ کیا وزیراطلاعات فیاض الحسین چوہان مفتاح اسماعیل سے معاشیات پر بات کرسکتے ہیں؟۔کیا وفاقی وزیر
مراد سعید شاہدخاقان عباسی سے اکنامک گروتھ اورسرمایہ کاری پالیسی پر دلائل کے ساتھ بات کرسکتے ہیں ؟۔انہوں نے مزید کہا کہ کیا وفاقی وزیر فیصل واوڈاسی پیک اور سالانہ مالیاتی امور پر پر ان کا سامنا کرسکتے ہیں؟۔بیگم سلیمان شہباز آجکل لندن میں ہیں اور ٹوئٹر پر کافی سرگرم ہیں اور (ن) لیگ کی پالیسیوں کو سپورٹ کررہی ہیں ۔سلیمان شہباز بھی لندن میں قیام پزیر ہیں۔