اسلام آباد (مانیٹرنگ ڈیسک )خسارے میں ڈوبی پی آئی اے کی شاہ خرچیاں، من پسند افراد پر سخاوت کی انتہائی کر دی، ایک کروڑ 86لاکھ روپے کی مفت ٹکٹیں و سفری سہولیات فراہم کرنے کاانکشاف۔ تفصیلات کے مطابق خسارے میں ڈوبی پی آئی اے کی شاہ خرچیوں کی ایک اور داستان منظر عام پر آگئی ۔ قومی ائیر لائن نے من پسند افراد پر سخاوت کی انتہا کرتے ہوئے ایک کروڑ 86لاکھ روپے کی مفت ٹکٹیں و سفری
سہولیات فراہم کی ہیں ۔ امیج بلڈنگ کے نام پر منظور نظر لوگوں میں ٹکٹیں بانٹی گئیں، دستاویز کے مطابق جنوری 2018 سے اگست 2018 تک قومی ایئرلائن پر 334 مسافروں نے مفت سفرکیا، مفت سفری سہولیات اور ٹکٹ کی مد میں 1 کروڑ 86 لاکھ سے زائد خرچ ہوگئے، امیج بلڈنگ کے نام پر87لاکھ 95ہزار9سو 20 روپے کےمفت ٹکٹ جاری ہوئے،کچھ ٹکٹس پی آئی اے سوشل میڈیا ٹیم اور بیشتر مختلف تنظیموں کوجاری ہوئیں۔
