اسلام آباد (مانیٹرنگ ڈیسک) پی ٹی آئی کی پنجاب حکومت تحقیقات کے خوف سے بھاگے ہوئے بیوروکریٹس کو واپس بلانےکیلئے ترلے کرنے لگ گئی، معروف صحافی ضمیر حیدر ساری کہانی منظر عام پر لے آئے۔ تفصیلات کے مطابق معروف صحافی ضمیر حیدر نےانکشاف کرتے ہوئے بتایا ہے کہ پنجاب حکومت کی کارکردگی بہت سست ہے اور معاملات اچھے نہیں رہے کیونکہ بیوروکریسی کام کرنے کی کوشش ہی نہیں کر رہی اور میری اطلاعات کے مطابق احد چیمہ اور فواد حسن فواد
جیسے کئی بیوروکریٹس ہیں جو ڈرے ہوئے کہ ان کی بھی تحقیقات ہونگی اس لئے یہ بیوروکریٹ یا تو چھٹیاں لیکر چلے گئے ہیں یا پھر پنجاب سے دور کسی اور محکمے میں چلے گئے ہیں ۔ ان کا کہنا تھا کہ کئی قابل بیوروکریٹس سے پنجاب حکومت نے رابطہ کر کے کہا ہے کہ آپ قابل افسران ہیں اور ہم آپ کی صلاحیتیوں کو مانتے ہیں آپ واپس آئیں اور کام کریں۔صوبائی حکومت کی طرف سے کہا گیا ہے کہ بھائی جان اب آ جائیں اور واپس آکر کام کریں اور آپ کو کچھ نہیں کہا جائے گا۔
