سوات(آن لائن ) مٹہ میں بوری بند نعش کا معمہ حل ،نعش 23سالہ لڑکی حنا کی نکلی ،پولیس نے رپورٹ درج کرکے نامعلوم ملزما ن کی تلاش شروع کردی ،تفصیلات کے مطابق مٹہ کے علاقہ اشاڑے میں گزشتہ روز نالے سے نامعلوم خاتون کی نعش برآمد ہوئی تھی جس کو پولیس نے آمانتاً رکھ دیا تھا خاتون کی نعش کی شناخت حنا دختر خانذادہ سکنہ برشور
کے نام سے ہوئی تھی جو کہ مدین کے ایک نجی بنک میں کمپوئٹراپریٹر کی نوکری کرتی تھی پولیس اسٹیشن مٹہ کے انچارج بخت زادہ کے مطابق لڑکی کو تشدد اور فائرنگ کرکے قتل کردیا گیا تھا اور نعش نالے میں پھینک کرفرار ہوگئے تھے پولیس نے واقعہ کی رپور ٹ درج کرکے ملزمان کی تلاش اور تفتیش شروع کردی۔
