لاہور ( این این آئی) قومی اسمبلی میں قائد حزب اختلاف و سابق وزیراعلیٰ پنجاب محمد شہباز شریف کی درخواست ضمانت کا ڈرافٹ تیار کر لیا گیا ،انکی منظوری کے بعد درخواست ضمانت لاہور ہائی کورٹ میں دائر کی جائے گی۔ذرائع کے مطابق امجد پرویز ایڈووکیٹ نے گزشتہ روز اسلام آباد میں شہباز شریف سے ملاقات کی تھی جس میں درخواست ضمانت دائر کرنے کے لیے قانونی نقاط پر تبادلہ خیال کیا گیا۔ذرائع کے مطابق شہباز شریف کی بعد از گرفتاری درخواست ضمانت کا ڈرافٹ تیار کر لیا گیا ہے، ان کی منظوری کے بعد درخواست ضمانت

لاہور ہائی کورٹ میں دائر کی جائے گی۔لاہور ہائی کورٹ میں شہباز شریف کی میڈیکل رپورٹ کی بنیاد پر ضمانت منظور کرنے کی استدعا کی جائے گی اور کرپشن الزامات کو درخواست ضمانت میں بنیاد نہیں بنایا جائے گا۔ذرائع کا کہنا ہے کہ شہباز شریف کی درخواست ضمانت آئندہ چند روز میں لاہور ہائی کورٹ میں دائر کیے جانے کا امکان ہے۔ یاد رہے کہ شہباز شریف کو 5 اکتوبر کو نیب نے آشیانہ اقبال پراجیکٹ میں کرپشن کے الزامات پر گرفتار کیا جبکہ ان کیخلاف رمضان شوگر ملز اور آمدن سے زائد اثاثہ جات کی انکوائریز زیر التواء ہیں۔

موضوعات:محمد شہباز شریف