لاہور(آئی این پی) لاہور سمیت ملک بھر میں سر دیوں کے باوجود بجلی کے لوڈشیڈ نگ میں اضافہ ‘ شارٹ فال 600 میگا واٹ تک جا پہنچا‘عوام کا بجلی کی غیر اعلانیہ لوڈشیڈ نگ کے خلاف شدید احتجا ج ‘وزیر اعظم عمران خان سے نوٹس لینے کا مطالبہ کردیا ۔
تفصیلات کے مطابق سوموار کے روز بھی لاہور سمیت ملک کے دیگر شہروں میں 4 سے 5 گھنٹے لوڈشیڈنگ سے نظام زندگی متاثررہا کاروبار ٹھپ ہونے سے شہری پریشان ہیں، بجلی نا ہونے کی وجہ سے شہری انتہائی پریشانی مین مبتلا ہیں واپڈہ ذرائع کے مطابق آر ایل این جی نا ہونے کی وجہ سے تین پاور پلانٹس بند ہیں اس لئے بجلی کی پیداوار میں کمی ہوئی ہے۔ لیسکو کو 2400 میگا واٹ بجلی کی ضرورت ہے لیکن 1800 میگا واٹ فراہم کی جا رہی ہے۔ دریں اثناء لاہور سمیت پنجاب کے دیگر شہروں میں گیس کی لوڈشیڈنگ اور پر یشر کی کمی کی وجہ سے ایل پی جی مہنگی، شہریوں کی زندگیاں مفلوج ہو کر رہ گئی ۔ تفصیلات کے مطابق سر دی کی شدت میں اضافے کے بعد لاہور سمیت پنجاب کے دیگر شہروں میں نہ صرف گیس کی لودشیڈ نگ ہو رہی ہے بلکہ جن علاقوں میں گیس آرہی ہے وہاں گیس کا پر یشر نہ ہونے کے برابر ہے جسکی وجہ سے لوگ ایل پی جی گیس خریدنے پر مجبور ہیں اسی وجہ سے حکومت 115 روپے کے سرکاری ریٹ پر عملدرآمد کروانے میں ناکام، مارکیٹ میں ایل پی جی 150 سے 160 روپے فی کلو فروخت ہونے لگی، لاہور سمیت ملک بھر میں سر دیوں کے باوجود بجلی کے لوڈشیڈ نگ میں اضافہ ‘ شارٹ فال 600 میگا واٹ تک جا پہنچا شہریوں کا کہنا ہے کہ حکومت کو اس پر سختی سے نوٹس لینا ہوگا۔
