کراچی(آئی این پی) وفاقی وزیر ریلوے شیخ رشید احمد کی ہدایت پر ٹرینوں کے کرایوں میں 10 سے 19 فیصد اضافے کے سبب عام لوگوں کے لئے ریلوے سفرمشکل ہوگیا ہے ،ملکی 72 سالہ تاریخ میں 5 فیصد سے زیادہ کرایاکبھی نہیں بڑھایا گیا ،تاہم یہ پہلا موقع ہے کہ جب 19 فیصد اضافہ کیا گیا ہے،

اس بارے میں ریلوے کے ذمہ دار زرائع نے بتایا کہ کرایہ بڑھانے یا نئی ٹرینیں چلانے سے بہتر ہے کہ موجودہ ٹرینوں میں بوگیوں کی تعداد 10 سے بڑھا کر 14 یا16 کردی جائے ، تاکہ زیادہ مسافر سفر کریں ،زرائع کا کہنا ہے کہ پاکستان ریلوے کے پاس اس وقت امریکہ اور چین سے حاصل کئے گئے اتنے طاقت ور لوکو موٹو ہیں جو باآسانی 16 بوگیوں کے ساتھ منزل تک پہنچ سکتے ہیں،اس طرح ان ہی ٹرینوں میں زیادہ مسافر وں کو سفر کرایا جاسکتا ہے،زرائع نے دعویٰ کیا کہ کرائے میں اضافے سے ریلوے کی آمدنی میں کڑوروں کا اضافہ تو ہوسکتا ہے ،لیکن مسافر بسوں میں سفر کرنے کو ترجیح دیں گے،زرائع نے بتایا کہ انجن تو 16 بوگیوں کے ساتھ اتنا ہی ڈیزل استعمال ہوگا جو 10 بوگیوں کے ساتھ استعمال ہوتا ہے،اس طرح مسافروں پر اضافی بوجھ ڈالے بغیر ریلوے اپنی آمدنی بڑھا سکتا ہے،زرائع کے مطابق شیخ رشید جب بھی ریلوے کا قلمبدان سنبھالتے ہیں تو بلٹ ٹرین چلانے کا وعدہ بھی کرتے ہیں،تاہم اس پر عملدرآمد خواب ہی رہتا ہے،دوسری جانب اب انہوں نے وی آئی پی ٹرینیں چلانے کا اعلان کیا ہے یہ ٹرینیں کس روٹ پر چلائی جائیں گی کچھ علم نہیں ہے۔  شیخ رشید احمد کی ہدایت پر ٹرینوں کے کرایوں میں 10 سے 19 فیصد اضافے کے سبب عام لوگوں کے لئے ریلوے سفرمشکل ہوگیا ہے ،ملکی 72 سالہ تاریخ میں 5 فیصد سے زیادہ کرایاکبھی نہیں بڑھایا گیا