لاہور( این این آئی)مسلم لیگ (ن) کے مرکزی رہنما خواجہ سعد رفیق کے بھتیجے خواجہ غفران رفیق اپنے تایا اور والد کے دفاع کیلئے میدان میں آگئے۔ اپنے ویڈیو بیان میں خواجہ غفران رفیق نے کہا کہ میرے تایا خواجہ سعد رفیق نے ریلوے کی بہتری کے لئے بھرپور طریقے سے اپنا کردار ادا کیا،میرے والد خواجہ سلمان رفیق
نے گزشتہ آٹھ سال صحت کے شعبے میں بہترین خدمات سر انجام دیں۔لیکن آج ہمارے خاندان کو سیاسی انتقام کا نشانہ بنایا جارہا ہے۔ خواجہ غفران نے کہا کہ میرے دادا نے بھی ملک کی خاطر اپنی جان کا نذرانہ پیش کیا۔ ہمیں اللہ تعالی اور عوام کی عدالت سے پوری امید ہے کہ ہم سرخرو ہوں گے۔
