اسلام آباد (این این آئی)نیشنل الیکٹرک پاور ریگولیٹری اتھارٹی (نیپرا) نے بجلی کے نرخوں میں 32 پیسے فی یونٹ کمی کرتے ہوئے اس کا نوٹیفکیشن جاری کر دیا ہے۔بجلی کے نرخوں میں کمی سے صارفین کو 2 ارب روپے کا ریلیف ملے گا۔ نیپرا کی جانب سے جاری نوٹیفیکیشن کے مطابقبجلی نومبر کی فیول ایڈجسٹمنٹ کی مد میں سستی کی گئی ہے۔

بجلی تقسیم کار کمپنیاں جنوری کے بجلی بلوں میں صارفین کو ریلیف منتقل کریں۔نیپرا کی جانب سے کہا گیا کہ فیصلے کا اطلاق ماہانہ 300 یونٹ سے کم بجلی استعمال کرنے والے صارفین پر نہیں ہو گا جبکہ لائف لائن اور زرعی صارفین کو بھی یہ ریلیف نہیں ملے گا۔ فیصلے کا اطلاق کے الیکٹرک کے سوائے تمام بجلی تقسیم کار کمپنیوں کے صارفین پر ہو گا۔