لاہور(نیوز ڈیسک ) گورنرپنجاب چوہدری محمد سرور نے کہا ہے کہ تمام جامعات کومثالی بنائیں گے، کسی وائس چانسلر کی تعیناتی سیاسی بنیادوں پرنہیں ہوگی،تمام جامعات کوشمسی توانائی پرلے جانے کا پروگرام ہے،سندھ حکومت نہیں گرا رہے اور نہ کوئی ہماری حکومت گرائے گا، پنجاب کی جیلوں میں قیدیوں کو صاف پانی فراہم کیا جا رہا ہے ۔ کنگ ایڈورڈ میڈیکل یونیورسٹی میں تقریب سے خطاب کرتے ہوئے گورنرپنجاب چوہدری محمد سرور نY کہا کہ تمام جامعات میں صاف پانی اور پانی کا ضیاع روکنے

کا پروگرام بنائیں گے۔گورنر پنجاب کا کہنا تھا کہ تمام جامعات کوشمسی توانائی پرلے جانے کا پروگرام ہے اس کے علاوہ فائلوں کی ٹریکنگ کا ایک نظام بھی متعارف کرائیں گے۔چوہدری محمد سرور کا کہنا تھا کہ تمام جامعات کو مثالی بنائیں گے اور کسی وائس چانسلر کی تعیناتی سیاسی بنیادوں پرنہیں ہو گی۔بعدازاں میڈیا سے گفتگو کرتے ہوئے گورنرپنجاب کا کہنا تھا کہ سندھ حکومت نہیں گرا رہے اور نہ کوئی ہماری حکومت گرائے گا، سیاست میں کچھ اخلاقی معاملات ہیں جن پربات ہوتی رہتی ہے۔