اسلام آباد (مانیٹرنگ ڈیسک) نواز شریف کیخلاف مقدمات ختم کرو ورنہ آپ کا حشر شہید ایس پی طاہر داوڑ جیسا ہو گا، چیئرمین نیب کو دھمکی آمیز خط بھیجنے والا شخص گرفتار۔ تفصیلات کے مطابق معروف صحافی انعام اللہ خٹک نے سماجی رابطوں کی ویب سائٹ ٹوئٹر پر جاری اپنے پیغام میں میں انکشاف کیا ہے کہ چیئرمین نیب جسٹس (ر)جاوید اقبال کو ایک گمنام
خط لکھا گیا تھاجس میں دھمکی دینے والے نے لکھا تھا کہ ”نواز شریف کیخلاف مقدمات ختم کرو ورنہ آپ کا حشر شہید ایس پی طاہر داوڑ جیسا ہو گا‘‘جس کے بعد کارروائی کرتے ہوئے نیب نے خط بھیجنے والے اس گمنام شخص کی تلاش شروع کر دی تھے جسے لاہور سے اب گرفتار کر لیا گیا ہے اور آج انسدداد ہشتگردی کی عدالت میں پیش کئے جانے کا امکان ہے۔
