کراچی(این این آئی)امریکی سیاح مارک ویئن نے پاکستان کے مزیدار کھانوں کے ذائقے کے بارے میں جاننے کے لئے سفر شروع کیا تو کئی شہروں سے ہوتا ہواروشنیوں کے شہر کراچی تک آ پہنچا ۔مارک ویئن نامی سیاح کراچی پہنچاتو کئی مزیدار کھانے کھائے وہیں کراچی کے اسٹریٹ فوڈ میں سب سے منفرد اور مزیدا ربن کباب کو پایا۔امریکی سیاح کی ویڈیو نے سوشل میڈیا پر دھوم مچادی ،ویڈیو کے مطابق مارک نے نہ صرف بن کباب بننے کا پورا
طریقہ دیکھا بلکہ گرما گرم بن کباب کھا کر اپنی انگلیاں چاٹنے پر بھی مجبور ہو گیا۔مارک کونہ صرف کراچی کے کھانوں اور ذائقے نے بے حد متاثر کیابلکہ مقامی افرا دکی مہمان نوازی نے بھی اسے حیران کر دیا۔مارک نے ایک ایک لقمہ نہایت لطف اندوز ہو کر کھایا اورذائقے کی تعریف کرنے پر مجبور ہو گیا۔امریکی سیاح کی ویڈیوسوشل میڈیا پر وائرل ہوگئی اور جس نے بھی کراچی کی سیر پر مبنی یہ دلچسپ ویڈیو دیکھی ،سراہے بغیر نہ رہ پایا۔
