لاہور(این این آئی )کشمیر کمیٹی کا چیئرمین کس کو بنایاجائے گا؟تحریک انصاف میں اہم شخصیت کے نام پر سب متفق ہوگئے،تفصیلات کے مطابق سابق سپیکر قومی اسمبلی فخر امام کو اہم عہدہ دینے کا فیصلہ کر لیا گیا ،فخر امام کو چیئرمین کشمیر کمیٹی بنائے جانے کا امکان ہے ۔ ذرائع کے مطابق چیئرمین پبلک اکاؤنٹس کمیٹی اور دیگر کمیٹیوں کے چیئرمین

منتخب ہونے کے بعد انہیں عہدہ دیا جائے گا۔ذرائع کے مطابق تحریک انصاف میں فخر امام کے نام پر سب متفق ہیں اوروزیراعظم عمران خان کی حتمی منظوری کے بعد انہیں کشمیر کمیٹی کا چیئرمین بنایا جائے گا۔فخر امام این اے 50خانیوال سے رکن قومی اسمبلی ہیں ۔واضح رہے کہ اس سے قبل مولانا فضل الرحمان کشمیر کمیٹی کے چیئرمین رہ چکے ہیں۔