مری (نیوزڈیسک ) مری میں ہوٹل ایجنسی کے ملازمین نے سیاحوں پر تشدد کیا ، برفباری دیکھنے کے لئے مری آنے والی فیملی سے جی پی او چوک میں مار پیٹ کی گئی ۔ نجی ٹی وی کے مطابق اتوار کو مری میں خاتون سیاح پر تشدد کا واقعہ سامنے آگیا ،ایجنٹ مافیا نے اکیلی خاتون کو سڑک پر لٹاکر تشدد کا نشان ہ بناڈالا،اس کے ساتھ ساتھ مری میں ہوٹل ایجنسی کے ملازمین نے سیاحوں پر بھی تشدد کیا ، برفباری دیکھنے کے لئے مری آنے والی فیملی سے جی پی او چوک میں مار پیٹ کی گئی ۔پولیس کے مطابق مری میں خاتون
سے بدتمیزی کرنے والے ملزمان کی شناخت کر لی گئی ہے ۔ وزیر اعلیٰ پنجاب سردار عثمان بزدار نے مری میں سیاحوں پر ہونے والے تشدد کا نوٹس لے لیا اور تحقیقات کا حکم دیتے ہوئے آئی جی سے رپورٹ طلب کر لی۔ اتوار کو وزیر اعلیٰ پنجاب نے مری میں سیاحوں کے ساتھ پیش آنے والے واقعہ کے نوٹس لے لیا اور آئی جی پنجاب سے رپورٹ طلب کر لی ۔ وزیر اعلیٰ نے متاثرہ فیملی کو ہر صورت انصاف فراہم کرنے کی ہدایت کر دی اور متاثرہ فیملی سے تعاون نہ کرنے پر انچارج چوکی بازار اورمحرر کو معطل کردیا۔
