اسلام آباد(نیوزڈیسک)معروف اینکرپرسن ڈاکٹر شاہد مسعود عدالت میں پیش، کس حال میں تھے؟ جس نے دیکھا حیران رہ گیا، تفصیلات کے مطابق معروف اینکرپرسن ڈاکٹر شاہد مسعود کو پی ٹی وی کرپشن کیس کی سماعت کے لئے عدالت میں پیش کردیاگیا، عدالت میں پیشی کے وقت ڈاکٹر شاہد مسعود کو ہتھکڑیاں لگی ہوئی تھیں انہیں سپیشل جج سنٹر کامران بشارت مفتی کی عدالت میں پیش کیاگیا ،عدالت نے ایف آئی اے سے آئندہ ہفتے کیس کا چالان طلب کیا ہے بعد ازاں عدالت کے باہر جب ڈاکٹر شاہد مسعود نے صحافیوں سے گفتگو کرتے ہوئے بتایا کہ میں نے فی
الحال ضمانت کے لئے ہائیکورٹ سے رجوع نہیں کیا جب ان سے پوچھاگیا کہ کیا آپ کے خلاف کوئی سازش کی گئی ہے تو انہوں نے کہا کہ ’’آپ لوگ بہتر سمجھ سکتے ہیں کہ کیا ہوا؟‘‘واضح رہے کہ ڈاکٹر شاہد مسعود سابق ایم ڈی پی ٹی وی رہ چکے ہیں اور ان پر پی ٹی وی میں کرپشن کے الزامات ہیں گزشتہ ماہ انہیں پی ٹی وی کرپشن کیس میں درخواست ضمانت مسترد ہونے کے بعد گرفتار کیاگیاتھا ڈاکٹر شاہد مسعود کے خلاف ایک اور کیس بھی زیر سماعت ہے جس میں ان پر صحافی سے بدتمیزی کرنے اور اس کا موبائل چھیننے کے الزامات عائد کئے گئے ہیں ۔
