اسلام آباد(آن لائن) تحریک انصاف کی سخت مخالف جماعت جے یو آئی( ف )نے بھی حکومت کی تعریف کردی۔پیرکو قومی اسمبلی اجلاس میں امریکی بیان کے پر وزیر اعظم عمران خان کے جواب کے حوالے سے جے یو آئی ف کے پارلیمانی لیڈر مولانا عبدالواسع کا کہنا تھا کہ ٹرمپ کو جو جواب موجودہ حکومت نے دیا ہے اس پر ستائش کرتے ہیں اور امریکہ کو ایسا ہی جواب دینا چاہئے مولانا عبدالواسع نے حکومت سے خارجہ پالیسی ایوان میں زیر بحث لانے کا مطالبہ بھی کردیا
جس پر وزیر خارجہ شاہ محمود کا ہہنا تھا کہ وزیر اعظم عمران خان نے امریکی صدر ڈونلڈ ٹرمپ قومی امنگوں کے مطابق جواب دیا ہے وزیر خارجہ کا کہنا تھا کہ افغانستان کے مسئلے کا حل فوجی نہیں سیاسی ہے اب سب اتفاق کررہے ہیں افغان طالبان افغان حکومت اور امریکہ کے درمیان مذاکرات کے مختلف ادوار ہوچکے ہیں شاہ محمود قریشی کا کہنا تھا کہ اکیلا پاکستان کچھ نہیں کرسکتا سب فریقین کو ذمہ داری لینا ہوگی شاہ محمود قریشی کرتار پورا بارڈر کھولنے کے حوالے سے کہا کہ پاکستان نے کرتارپوربارڈر کھول کر عالمی دنیا کو امن کا پیغام دیا ہے کرتار پور اقلیتوں کے لئے اچھا پیغام تھاہم بھارت سے متنازعہ معاملات پر بات چیت چاہتے ہیں شاہ محمود قریشی نے کہا کہ امید ہے بھارت میں جو حکومت آئے مذاکرات پالیسی نظر ثانی کرے گی اور امید ہے بھارت مقبوضہ کشمیر میں اپنے رویے پر بھی نظر ثانی کرے گا۔ تحریک انصاف کی سخت مخالف جماعت جے یو آئی( ف )نے بھی حکومت کی تعریف کردی۔پیرکو قومی اسمبلی اجلاس میں امریکی بیان کے پر وزیر اعظم عمران خان کے جواب کے حوالے سے جے یو آئی ف کے پارلیمانی لیڈر مولانا عبدالواسع کا کہنا تھا کہ ٹرمپ کو جو جواب موجودہ حکومت نے دیا ہے اس پر ستائش کرتے ہیں اور امریکہ کو ایسا ہی جواب دینا چاہئے
