نارووال (آن لا ئن )سابق وزیر داخلہ احسن اقبال نے کہا ہے کہ حکومت جنو بی پنجا ب صوبہ قائم کر نے کے لئے آئینی ترمیم کرے ہم ساتھ دیں گے ،جلد انتخابات ہوئے تو عوام حکومت کے نمائندوں کی ضمانتیں ضبط کرادے گی۔نارووال میں میڈیا سے گفتگو کرتے ہوئے احسن اقبال نے کہا کہ حکومت جنوبی پنجاب صوبے کے قیام کا وعدہ پورا کرے، اپوزیشن مکمل تعاون کرے گی۔انہو ں نے کہا کہ حکومت جلد انتخابات کا رسک نہیں لے گی، جلد انتخابات ہوئے تو عوام ان کے نمائندوں کی
ضمانتیں ضبط کرادے گی۔ ہماری پانچ سال کی محنت پر پانی پھیر دیا گیا ہے، روپے کی قدر میں کمی کی مثال نہیں ملتی، روپیہ فٹ بال کی طرح لڑھک رہا ہے اس وقت جو ملک میں احتساب کا عمل ہے،یہ مسلم لیگ ن کے خلاف ٹارگٹ ہے، پی ٹی آئی کے لوگوں پر مسلم لیگ ن سے زیادہ سنگین مقدمات نیب میں زیر التوا ہیں،دیکھیں گے کہ نیب پی ٹی آئی کے لوگوں کو گرفتار کرنے میں کیا اتنی ہی پھرتی دکھاتی ہے جتنی شہبازشریف کی گرفتاری میں دکھائی گئی۔
