لندن (مانیٹرنگ ڈیسک)لندن کیاآیا ملک میں تو طوفان آگیا، اپوزیشن نے جو حال ملک کا کردیا ہے انہیں اب دو چار سال گھروں سے نہیں نکلنا چاہئے، لندن سے وطن روانگی سے قبل میڈیا سے گفتگو۔ تفصیلات کے مطابق وفاقی وزیر اطلاعات و نشریات فواد چوہدری کا کہنا ہے کہ وہ 3روز کیلئے لندن آئے لیکن پیچھے پاکستان میں طوفان آگیا۔ میڈیا سے گفتگو کرتے ہوئے ان کا کہنا تھا کہ شیخ رشید
نے کس تناظر میں بات کی اس پر وہ ابھی کچھ نہیں کہہ سکتے ۔انہوں نے کہا کہ اینٹی کرپشن کی صحیح اسپرٹ ہوتی تو خورشید شاہ کے بیانات ٹی وی کے بجائے جیل سے آرہے ہوتے۔فوادچوہدری کا کہنا تھا کہ احسن اقبال کی ڈائریکشن تو اسلام آباد سے نکلتی تھی اور پارک لین پہنچتی تھی۔ان کا کہنا تھا کہ ملک کا جو حال ان لوگوں نے کیا ہے دو چار سال تو ان کو گھروں سے نہیں نکلنا چاہیے۔
