لاہور(آئی این پی ) جامع مسجد فردوس شالیمار باغ لاہور میں قائداعظم محمدعلی جناحْ کے ساتھی مولاناملک شاہ احمدخان کی زیر صدرت پنجاب کے مختلف اضلاع سے 150سے زائد علماء کی شرکت ، وزیراعظم عمران خان کے ریاست مدینہ طرزکی حکومت کے قیام کی غیر مشروط تائید،مولاناملک شاہ احمدخان کو سرپرست اعلی مقرر کیاگیا،
اجلاس میں وزیراعظم عمران خان کو یقین دہانی کروائی جائے گی کہ آپ ریاست مدینہ کے قیام کا اعلان کریں ہزاروں علماء کرام آپ کے ساتھ معاون کھڑے ہونگے ،ملک شاہ احمدخان نے کہاکہ یہ ملک اسلام کے نام پر وجود میں آیاہے 70سالوں میں کسی حکمران کو یہ جرأت نہ ہوئی کہ وہ ریاست مدینہ طرز کی حکومت کے قیام کی کرئے،عمران خان واحدلیڈر عمران خان جس نے یہ اعلان کیاہے ،عمران خان کی تائید اور حمایت میں پورے ملک میں کانفرنسزز اور سیمینار کا ااہتمام کیا جائے گا۔ملک شاہ احمدخان نے کہاکہ مولانافضل الرحمن ،سراج الحق اسلام نہیں اسلام آباد کے خواہشمند ہیں ،مولانافضل الرحمن اور سراج الحق سمیت مخالفت کرنے والے گھبرائے ہوئے ہیں کہ انہیں کہیں اسلامی ریاست میں کوڑے نہ پڑجائیں ،اگر یہ اسلامی ریاست کیلئے مخلص ہیں تو عمران خان کا ساتھ دیں ،اس کیلئے رکاوٹیں پیدا نہ کریں،پہلے سو دنوں میں وفاقی وزرا ء کے استعفوں کی مثال سابقہ حکومتوں میں نہیں ملتی ،عمران خان نے خیبرپی کے میں 25ممبران صوبائی اسمبلی کوہارس ٹریڈنگ کی شکایت پر پارٹی سے نکال کر ثابت کیاتھاکہ وہ ملک میں کرپشن کا نظام نہیں چلنے دیں گے ،مولاناملک شاہ احمدخان نے مزید کہاکہ اس وقت جمہوریت کو کوئی خطرہ نہیں ہے ،چور اور لٹیرے اپنے لئے خطرہ محسوس کر رہے ہیں کہ انہیں لوٹی ہوئی رقم واپس نہ کرنی پڑ جائے ۔
