راولپنڈی(این این آئی) وزیراعظم عمران خان نے وفاقی وزیر ریلوے شیخ رشید احمد کو نالہ لئی ایکسپریس وے اور فلڈ چینل پراجیکٹ کا فوکل پرسن مقرر کر دیا ۔ترجمان ریلوے کی جانب سے جاری بیان کے مطابق وزیراعظم عمران خان نے وفاقی وزیر ریلوے شیخ رشید احمد کو نالہ لئی ایکسپریس وے اور فلڈ چینل پراجیکٹ کا فوکل پرسن مقرر کر دیا ہے، منصوبے سے
راولپنڈی اور اسلام آباد کے درمیان ٹریفک کے مسائل حل کرنے میں مدد ملے گی اور نالہ لئی سے راولپنڈی میں آنیوالے سیلاب کی روک تھام بھی ہو سکے گی۔ترجمان کے مطابق نالہ لئی منصوبہ بعد میں آنے والی حکومتوں نے روک دیا تھا،اس منصوبے کی ابتدائی لاگت 18 ارب روپے تھی۔منصوبے کے تحت نالہ لئی کے دوں وں اطراف سگنل فری سڑکیں تعمیر کی جائینگی۔
