لاہور(آن لائن)مسلم لیگ (ن) کی سینئر رہنما تہمینہ دولتانہ نے کہا کہ فی الحال ہمیں چپ رہنا کا حکم دیا گیا ہے لیکن وقت آنے پرضرور لب کشائی کریں گے۔ان خیالات کا اظہار تہمینہ دولتانہ نے نجی ٹی وی چینل سے گفتگو کے دوران کیا ۔انہوں نے کہا کہ نواز شریف اور شہباز شریف پر جتنے بھی کیسز بنائے گئے ہیں ان میں زرا بھر بھی صداقت

نہیں ہے تمام کیسوں کو مفروضوں کی بنیاد پر بنایا گیا ہے مسلم لیگ (ن) کے رہنماؤں کی جانب سے خاموشی کے سوال پرلیگی رہنما نے کہا کہ فی الحال ہمیں حکم دیا گیا ہے کہ خاموش رہیں اور حکومت کو وقت دیں لیکن یہ نہیں بتایا گیا کہ کتنا وقت دینا ہے پورے وثوق سے کہتی ہوں کہ بہت جلد ہم دوبارہ سے لب کشائی کریں گے