چیچہ وطنی(آن لائن) گورنرپنجاب چودھری محمدسرور کی اہلیہ بیگم پروین سرور کی چیچہ وطنی میں چوری ہونیوالی قیمتی کلائی گھڑی تاحال برآمد نہیں ہوسکی،پولیس کے مطابق بیگم پروین سرور گزشتہ روز مختلف تقریبات میں شرکت کے بعد میونسپل کمیٹی کے ریسٹ ہاؤس پہنچیں تو انہوں نے نمازظہر کی ادائیگی کیلئے وضو سے قبل اپنی کلائی

گھڑی اتار کر وہاں رکھ دی ،کچھ دیر بعد دیکھا توگھڑی چوری ہوچکی تھی، پولیس کے مطابق وقوعہ کے وقت ریسٹ ہاؤس میں موجود پانچ مشتبہ افراد کوحراست میں لیکر تفتیش کی جارہی ہے تاہم چوری ہونیوالی قیمتی گھڑی تاحال برآمد نہیں ہوسکی،ایس ایچ او تھانہ سٹی کے مطابق مجموعی طور پر ایک درجن افراد کو شامل تفتیش کیا گیا ہے ۔