لاہور (آن لائن) پنجاب پولیس نے صوبے بھر میں پولیس یونیفارم کی تبدیلی پر کام شروع کر دیا ہے۔ توقع ہے کہ سال 2019ء میں موسم گرما کے آغاز پر پنجاب پولیس کا پرانا یونیفارم بحال کر دیا جائے گا جبکہ پرانے یونیفارم کی تیاری کے لئے مختلف کمپنیوں سے پری کوالیفکیشن طلب کر لی گئی ہیں۔
کمپنیوں کو پری کوالیفکیشن مکمل ہونے کے بعد ٹینڈر طلب کئے جائیں گے اور کم سے کم بولی دینے والی کمپنی کو یونیفارم کی تیاری کا ٹھیکہ دیا جائے گا جبکہ پولیس کے ذرائع کا کہنا ہے کہ رواں ماہ پنجاب پولیس کے افسران و اہلکاروں کو اولیو گرین یونیفارم ہی فراہم کیا جائے گا۔
