فیصل آباد(آن لائن )پاکستان مسلم لیگ ن کے قائدوسابق وزیر اعظم میاں نواز شریف کی صاحبزادی مریم نواز 28اکتوبر کو 45سال کی ہوجائیں گی ۔وہ پنجاب کے ضلع لاہو ر میں 28اکتوبر 1973کو پیدا ہوئیں ۔ مریم نواز نے سیاسی اور سماجی ورکر کے طور پر 2012ء میں اپنے ہی خاندان کے رفاہی ونگ سے آغازکیا ۔سیاسی خاندان سے تعلق کی وجہ سے سابق وزیر اعظم بے نظیربھٹومرحومہ
کی طرح مریم نواز بھی اپنے والد کے سہارے سیاست میں آئی ۔ 2013ء کے انتخابات میں میاں نواز شریف نے لاہور میں انتخابی مہم کی انچارج مقرر کیا ۔ 6جولائی 2018ء کو عدالت نے جعلی دستاویزات پیش کرنے کے جرم کی معاونت میں سات سال قید اور دوملین پاؤنڈ کی سزاء سنا ئی۔ ہائیکورٹ سے سزاء معطلی پر رہائی ہوئی ۔ مسلم لیگ ن کے ورکرز 28اکتوبر کو مریم نواز کی 45ویں سالگرہ منائیں گے ۔
