اسلام آباد(اے این این ) سپریم کورٹ نے نیب کی درخواست پر نواز شریف اور مریم کو6نومبر کیلئے نوٹس جاری کر دئیے ۔بدھ کو سپریم کورٹ آف پاکستان نے سابق وزیراعظم میاں نواز شریف، ان کی صاحبزادی مریم نواز اور داماد کیپٹن ریٹائرڈ صفدرکی سزا کی معطلی کے معاملے پر نیب کی درخواست پر نواز شریف اور مریم نواز کو نوٹس جاری کر دیے ۔میاں نواز شریف، مریم نواز اور کیپٹن ریٹائرڈ صفدرکی سزا کی معطلی کے معاملے
پر نیب کی درخواست پر سپریم کورٹ میں سماعت ہوئی۔چیف جسٹس پاکستان میاں ثاقب نثار کی سربراہی میں تین رکنی بنچ نے کیس کی سماعت کی۔نیب کے اسپیشل پراسیکیوٹر اکرم قریشی نے دورانِ سماعت دلائل دیئے اور موقف اختیار کیا کہ ہائی کورٹ نے معاملہ کا ٹھیک سے جائزہ نہیں لیا۔سپریم کورٹ آف پاکستان نے نیب کی درخواست پر نواز شریف اور مریم نواز کو نوٹس جاری کرتے ہوئے کیس کی سماعت 6نومبر تک ملتوی کر دی۔
