اسلام آباد (این این آئی)الیکشن کمیشن نے خیبرپختونخوا اسمبلی کے 6 اور پنجاب اسمبلی کے دو حلقوں سے کامیاب امیدواروں کا نوٹیفیکیشن جاری کر دیا ہے۔ پیر کو الیکشن کمیشن کی جانب سے جاری کئے گئے نوٹیفیکیشن کے مطابق پی کے 7 سوات سے اے این پی کے وقار احمد خان، پی کے 44 صوابی سے پی ٹی آئی کے عاقب اﷲ خان، پی کے 53
مردان سے محمد عبدالسلام، پی کے 61 نوشہرہ سے محمد ابراہیم خٹک، پی کے 64 نوشہرہ سے لیاقت خان اور پی کے 78 پشاور سے ثمر ہارون بلور کی کامیابی کا نوٹیفیکیشن جاری کیا گیا ہے۔ اسی طرح پنجاب اسمبلی کے حلقہ پی پی 3 اٹک سے افتخار احمد خان اور پی پی 103 فیصل آباد سے جعفر علی کی کامیابی کا نوٹیفیکیشن جاری کیا گیا ہے۔
