لاہور (نیوز ڈیسک) صوبائی وزیر اطلاعات پنجاب فیاض الحسن چوہان نے کہا ہے کہ پنجاب میں تنخواہیں دینے کے لئے پیسے نہیں‘ ادارے‘ کمپنیاں خسارے میں ہیں‘ نام نہاد خادم اعلیٰ پنجاب میں یہ صورتحال چھوڑ گئے،ملتان اور پنڈی میں میٹرو بسیں خالی چل رہی ہیں۔ پیر کو فیاض الحسن چوہان نے میڈیا سے گفتگو کرتے ہوئے کہا کہ
پنجاب حکومت تین منصوبوں کے لئے بارہ ارب روپے کی سبسڈی دے رہی ہے، پنجاب میں تنخواہیں دینے کے لئے پیسے نہیں‘ ادارے‘ کمپنیاں خسارے میں ہیں‘ نام نہاد خادم اعلیٰ پنجاب میں یہ صورتحال چھوڑ گئے۔ میٹرو پروجیکٹس صرف اپنی شہرت کے لئے شروع کئے گئے،ملتان اور پنڈی میں میٹرو بسیں خالی چل رہی ہیں۔
