اسلام آباد (آن لائن)وزیر مملکت برائے داخلہ شہریار خان آفریدی آج (پیر کو )نیا پاکستان ہاؤسنگ پروگرام کا افتتاح کریں گے ۔ جس کے بعد نادرا کی جانب سے باضابطہ طورپر شہریوں کی رجسٹریشن کا عمل شروع کردیا جائیگا۔ اسلام آباد سمیت ملک بھر میں نادرا میں رجسٹریشن کا عمل شروع ہوجائیگا۔ وفاقی دارلحکومت میں بلیو ایریا، سیکٹر
جی الیون فور اور سیکٹر آئی ٹین تھری میں سنٹرز قائم کیے گئے ہیں۔ اسی طرح کوئٹہ ، سکھر ، فیصل آباد ، سوات ، مظفر آباد ، گلگت میں ابتدائی طورپر قائم نادرا سینٹرز پر فارم جمع کروائے جاسکتے ہیں۔ وزیر مملکت برائے داخلہ شہریار خان آفریدی آج بلیو ایریا میں باضابطہ طورپر نیا پاکستان ہاؤسنگ پروگرام کا افتتاح کریں گے۔
