لاہور( این این آئی)چیف ٹریفک آفیسر لیاقت علی ملک نے شہری سے بدسلوکی پر سخت ایکشن لیتے ہوئے ٹریفک وارڈن کو نوکری سے معطل کر کے ایس پی سٹی کو انکوائر ی افسر مقرر کر دیا ۔چار روز قبل لوئر مال سیکٹر کے ٹریفک وارڈن عالمگیر نے شہری کو ویڈیو بنانے پر تشدد کا نشانہ بنایا تھا ۔ٹریفک وارڈن کی جانب سے شہری کو مرغا بنوا

کر اس کی ویڈیو بنوائی گئی اور بعد معافی بھی منگوائی گئی ۔میڈیا میں خبر آنے کے بعد سی ٹی او نے متعلقہ ٹریفک وارڈن کو فوری معطل کر کے ایس پی سٹی آصف صدیق کو انکوائری افسر مقرر کر دیا ہے اور کہا ہے کہ اگر وارڈن قصوروار ہوا تو اس کو نوکری سے نکال دیا جائے گا اور کسی قسم کی کوئی رعایت نہیں برتی جائے گی ۔

موضوعات:چیف ٹریفک آفیسر لیاقت علی ملک