اسلام آباد (آئی این پی)خاتون ڈرائیورکی بغیر نمبر پلیٹ کی گاڑی سمیت ڈپلومیٹک انکلیو میں داخل ہونے کی کوشش ‘ پولیس اہلکاروں کو سنگین نتائج کی دھمکیاں دینے پر قانون کے رکھوالوں نے خاتون کیخلاف اندراج مقدمہ کیلئے تھانہ سیکرٹریٹ میں درخواست دیدی۔ تفصیلات کے مطابق اسلام آباد میں بغیر نمبر پلیٹ گاڑی میں سوار خاتون ڈرائیور نے ڈپلومیٹک انکلیومیں داخل ہونے کی کوشش کیخلاف تھانے میں درخواست جمع کرادی گئی۔ڈیوٹی پر تعینات اہلکار نے قانونی کارروائی کیلئے تھانہ سیکریٹریٹ میں دی گئی
درخواست میں کہا کہ خاتون نے پولیس اہلکاروں پر گاڑی چڑھانے اور سنگین نتائج کی دھمکیاں دیں۔درخواست میں یہ بھی کہا کہ خاتون ڈرائیور نے بیریئر پرگاڑی ٹکرانے اور پولیس اہلکاروں سے گالم گلوچ بھی کی،خاتون کے خلاف مقدمہ درج کر کے کارروائی کی جائے۔دوسری جانب ایک نجی ٹی وی چینل کے مطابق بغیر نمبر پلیٹ داخل ہونے والی خاتون ڈاکٹر شہلا نامی خاتون نے پولیس والوں کو دھمکانے کے لیے گالیاں اور دھمکی بھی دیں، اب تھانہ سیکرٹریٹ میں اس خاتون کے خلاف مقدمہ درج کرلیا گیا ہے۔
