لاہور(نیوز ڈیسک) ضلعی انتظامیہ نے لاہور میں تجاوزات کے خلاف جاری آپریشن میں واگزار کرائی گئی اراضی سے متعلق رپورٹ جاری کردی جس کے مطابق مجموعی طور پر 3 ہزار 757 کنال واگزار کرائی گئی اراضی کی مالیت 16 ارب 8 کروڑ 70 لاکھ روپے ہے۔ہفتہ کو ترجمان ضلعی انتظامیہ کی جا نب سے جا ری کر دہ بیان میں کہا گیا ہے کہ

آپریشن میں لاہور ڈیولیپمنٹ اتھارٹی کی 182 کنال، محکمہ جنگلات کی 354 کنال اور رنگ روڈ اتھارٹی کی 663 کنال اراضی سے قبضہ چھڑایا گیا، آپریشن کے دوران ریونیو کی 2556 کنال اراضی اور نیشنل ہائی وے اتھارٹی کی 2 کنال جگہ کو واگزار کرایا گیا ہے۔ترجمان کا کہنا ہے کہ لاہور کی پانچوں تحصیلوں میں تجاوزات کے خلاف آپریشن جاری ہے۔

موضوعات:تجاوزات آپریشن