لاہور (ا ین این آئی)انسداد دہشت گردی عدالت نے سانحہ ماڈل ٹائون استغاثہ کیس میں پیش نہ ہونے پر ڈی جی پنجاب فوڈ اتھارٹی کیپٹن (ر) محمد عثمان اور سابق ڈی آئی جی رانا عبدالجبار کے ناقابل ضمانت وارنٹ گرفتاری جاری کر دیئے ۔ گزشتہ روز سانحہ ماڈل ٹائون استغاثہ کی لاہور کی انسداد دہشت گردی عدالت میں سماعت ہوئی۔ عدالت نے رانا
عبدالجبار اور کیپٹن (ر) محمد عثمان کو استغاثہ میں طلب کر رکھا تھاتاہم وہ پیش نہ ہوئے جس پر عدالت نے دونوں کے ناقابل وارنٹ گرفتاری جاری کرتے ہوئے سی سی پی او لاہور کو حکم دیا کہ دونوں ملزمان کو گرفتار کر کے عدالت میں پیش کیا جائے۔عدالت نے ملزم اے ایس وسیم اور اشرف کو اشتہاری قرار دے دیا جبکہ سماعت آج ( ہفتہ ) تک ملتوی کر دی گئی۔
