اسلام آباد( آن لائن )وزیراعظم عمران خان کی طرف سے گزشتہ روز مقرر کئے گئے مشیر برائے بیرونی سرمایہ کاری صاحبزادہ عامر جہانگیر عرف چیکو نے عہدہ قبول کرنے سے معذرت کر لی ہے۔ صاحبزادہ عامر جہانگیر جیکو کے حوالے سے بدھ کو پارلیمنٹ ہاؤس اپوزیشن کی طرف سے بھی تنقید کی گئی تھی جبکہ ایک معروف خاتون اینکر نے صاحبزادہ عامر جہانگیر کی بطور مشیر تقرری پر ٹویٹ کرتے ہوئے کہا تھا کہ
وزیراعظم نے ذاتی دوستی کی بنا پر یہ تقرری کی ہے اور یہ کہ صاحبزادہ عامر جہانگیر چیکو لندن میں نہ صرف بنکوں کے نادہندہ ہیں بلکہ کسی بھی کسینو میں داخلے پر پابندی ہے۔ اس تقرری پر پرنٹ میڈیا میں بھی کئی سوال اٹھائے جا رہے تھے تاہم گزشتہ روز پارلیمانی امور کے سیکرٹری فرخ حبیب نے ایک نجی ٹی وی سے گفتگو کرتے ہوئے بتایا کہ صاحبزادہ عامر جہانگیر چیکو نے یہ عہدہ قبول کرنے سے معذرت کرلی ہے۔
