اسلام آباد (آئی این پی) پنجاب سے ضمنی انتخابات میں دو نشستوں پر کامیاب ہونے والے دو ایم پی اے جلد مسلم لیگ (ن) میں شمولیت اختیار کرلیں گے، ٹوبہ ٹیک سنگھ سے چوہدری بلال اصغر وڑائچ اور ملتان سے قاسم عباس خان کی مسلم لیگ (ن) کے سینئر رہنما حمزہ شہباز سے آئندہ چند روز میں ملاقات ہو گی جس کے بعد وہ باقاعدہ طور پر مسلم لیگ (ن) میں شمولیت کا اعلان کریں گے۔ذرائع کے مطابق ٹوبہ ٹیک سنگھ سے رکن قومی اسمبلی خالد وڑائچ کی طرف سے صوبائی اسمبلی کی خالی کردہ نشست

پر ضمنی انتخاباتمیں آزاد امیدوار چوہدری بلال اصغر کامیاب ہوئے ہیں جو ضمنی انتخابات میں مسلم لیگ (ن) کی حمایت سے الیکشن جیتے ہیں،دوسری طرف ملتان کے حلقہ پی پی 22سے قاسم عباس خان جنہوں نے تحریک انصاف کے سہیل احمد نون کو شکست دے کر کامیابی حاصل کی ہے،قاسم خان بھی آزاد حیثیت سے الیکشن جیتے ہیں تاہم انہیں مسلم لیگ (ن) کی حمایت حاصل تھی، مذکورہ دونوں نو منتخب ارکان صوبائی اسمبلی جلد مسلم لیگ (ن) میں شمولیت کا اعلان کریں گے۔

موضوعات:(ن) میں شمولیت