اسلام آباد (نیوز ڈیسک) منشا بم اچانک سپریم کورٹ پہنچ گیا، لاہور میں زمینوں پر قبضہ کرنے کے حوالے سے مشہور منشاء بم پولیس سے بچ سپریم کورٹ پہنچ کر سب کو حیران کر دیا۔ رپورٹ کے مطابق جب منشا بم سپریم کورٹ پہنچا تو عدالت میں وقفہ چل رہا تھا اور چیف جسٹس موجود نہیں تھے لیکن اس نے کہا کہ وہ سپریم کورٹ میں ہی چیف جسٹس کا انتظار کر ے گا۔ اس موقع پر منشا بم نے کہا کہ

میں نے کسی کی زمین پر قبضہ نہیں کیا، میرے پاس جو زمین ہے وہ ساری میرے والد کی ہے۔ منشا بم نے کہا کہ عدالت میں خود گرفتاری دینے کے لیے پیش ہو رہا ہوں، مجھے انصاف دیا جائے میرے ساتھ زیادتی ہو رہی ہے، اس نے بتایا کہ تحریک انصاف کے ٹکٹ پر میرے بیٹے نے چیئرمین کا الیکشن لڑا، اس نے کہا کہ مجھ پر جھوٹ مقدمات بیٹے کے الیکشن لڑنے کے بعد بنائے گئے۔