اسلام آباد(این این آئی)وزیراطلاعات ونشریات چودھری فواد حسین نے کہاہے کہ ضمنی انتخابی نتائج کا رجحان ثابت کر رہا ہے ملک کے عوام پاکستان تحریک انصاف کے ساتھ ہیں۔اپنے ایک بیان میں انہوں نے کہاکہ پاکستان تحریک انصاف ایک مرتبہ پھر بڑی جماعت بن کر سامنے آئی ہے۔چوہدری فواد حسین نے کہاکہ
تمام صوبوں میں پی ٹی آئی کی نمائندگی نظر آرہی ہے،پاکستان تحریک انصاف حقیقی معنوں میں وفاق کی علامت بن کر ابھری ہے۔وزیر اطلاعات نے کہاکہ سٹیٹس کو، کی علامت جماعتوں نے ملکر تبدیلی کا راستہ روکنے کی کوشش کی، اپوزیشن جماعتیں مخصوص حلقوں اور علاقوں تک محدود ہو کر رہ گئی ہیں۔
